VICHAR DHARA From Hemali Ponda (TaNi)

  આપણા જીવનમાં ઘણીવાર એવી ઘટનાઓ બને છે કે આપણને લાગે કે શું આવું શક્ય હતું! કયારેક કોઈ અજાણી વ્યક્તિ હૃદયની એટલી નજીક આવી જાય કે પોતાના પણ ત્યાં ક્યારેય પહોંચી શક્યા ન હોય! કોઈપણ સંબંધો ન હોવાં છત્તાંય એક અજાણી વ્યક્તિ આપણા પર ઉપકાર કરે ત્યારે લાગે ક્યા સંબંધે આટલી બધી નિકટતા!! આવા સંબંધો કદાચ કોઈ ઋણાનુબંધ જ હોઈ શકે. આવો જ એક અનુભવ મને થયેલો એક સાવ અજાણી વ્યક્તિએ મને અણીના સમયે કરેલી મદદ મારા માટે જીવનભરનું ૠણ બની ગઈ. એ વિષે આજે તમને વિસ્તારથી વાત કરું... સમય હતો ૨૦૨૦ ના માર્ચ મહિનાનો જયારે કોરોનાએ દુનિયામાં તાંડવ મચાવવાનું શરુ કરેલું. બધા જ દેશોએ પોતાની સરહદો બંધ કરી દીધી. જે જયાં હતા તેમને ત્યાં જ રહેવાની ફરજ પડી. એક એવો સમય અચાનક આવી ગયો જે માટે આપણે કોઈ તૈયાર જ નહોતા. શું કરવું એ વિશે કોઈ નિર્ણય લઈએ એ પહેલાં આ બીમારીએ આખી દુનિયા પર કબ્જો જમાવી દીધો. આ સમયે મારો દીકરો દિવ્ય ' ઍન્જેનીયરીંગ કોલેજ ' ના બીજા વર્ષમાં U.S માં ભણતો. સૌથી પહેલાં અને સૌથી વધુ કોરોના ત્યાં જ ફેલાયેલો. અચાનક ત્યાં ' લોકડાઉન ' કરવામાં આવ્યું. કોલેજની હોસ્ટેલોમાં બધા વિદ્યાર્થીઓને ચાર દિવસમાં ર...

    આજે મંદિરમાં પેલા તારા મિત્ર મળ્યા ' તા! એમની મોટી દીકરીની સગાઈ નકકી થઈ , પેલા તારા પેલા ઑફિસના મિત્રના દીકરા સાથે! " મેં કહ્યું. મોહિત ઓફિસે જવાની ઉતાવળમાં હતો , " સારું! " કહીને નીકળી ગયો. ત્યારબાદ એ વાત મારા મગજમાંથી પણ નીકળી ગઈ. હું મારા રોજિંદા કામોમાં પરોવાઈ ગઈ. બીજે દિવસે સાંજે ઘરે આવતાં જ મોહિત બોલ્યો , " તને કાલે નીરજ મળ્યો તો ને ? એની દીકરીની સગાઈ મારા ' કલીગ ' મિ. મહેતાના દીકરા સાથે નક્કી થઈ. એણે તને કહ્યું હતું ને! તે મને કહ્યું પણ નહીં ??   આજે મિ.મહેતાએ કહ્યું ત્યારે ખબર પડી. મિ.મહેતાના ગયા પછી મેં નીરજને ફોન કરી ધમકાવી નાખ્યો ત્યારે એ બોલ્યો ,   ભાભી મળેલા ગઈકાલે મંદિરે! મેં એમને કહયું તો હતું. હું એ જ વિચારતો હતો કે તારો ફોન કેમ ના આવ્યો! મેં પછી ' સોરી ' કહીને વાત વાળી લીધી. તારે મને કહેવું તો જોઈને ને ? " હું બોલી , " કાલે તો સવારે તને કીધેલું ને તારા મિત્ર મળેલા મંદિરમાં! એમની દીકરીની સગાઈ....!! "   " હા , હવે યાદ આવ્યું! તારી રોજની ટેવ. પેલા ભાઈ ને ઓલા ભાઈ... કોઈની વાત નામ દઈને ના કરે. મને ...

  અંગ્રેજી ભાષાની ' ડિક્શનરી ' માં અમુક શબ્દો એવા હોય છે જેમાં કોઈ ' લેટર ' ' સાઈલેેંટ ' હોય છે , જેમ કે Psychology ( સાઇકોલોજી) શબ્દમાં P ' સાઇલેંટ ' હોય છે , જે બોલાતો નથી!    એ જ પ્રમાણે મારા પતિદેવ મોહિતની ' ડિક્શનરી ' માં ' હું પાંચ મિનિટમાં આવ્યો '.. એ વાક્યમાં ' અડધો કલાક ઊભા રહેજો ,' એ શબ્દો સાયલેંટ હોય એટલે કે એ બોલે નહીં પણ આપણે સમજી લેવાનું!  આખું વાકય આમ હોય , " અડધો કલાક ઊભા રહેજો , હું પાંચ મિનિટમાં આવ્યો!" આગળના શબ્દો ' સાઈલેેંટ ' હોય! ટૂંકમાં કહૂં તો , જ્યારે મોહિત બોલે કે હું પાંચ મિનિટમાં આવ્યો ત્યારે આપણે સમજી લેવાનું કે ઓછામાં ઓછી અડધો કલાક રાહ જોવાની જ છે!   સામેની વ્યક્તિ ફરિયાદ કરે ત્યારે ટ્રાફિક જામ હતો , નીકળતા હતા ને મહેમાન આવી ગયા , તબિયત સારી નહોતી , ઓફિસમાં આજે બહુ કામ હતું , વગરે..માંથી એકાદ બહાનું એટલું સરસ રીતે ગોઠવી કાઢે કે સામેવાળા એ ગોઠવણ વીંખી જ ન શકે!    મોહિત પોતાને વી. આઈ. પી. નેતાજી સમજે! જે હંમેશા બધે મોડા પહોંચતા હોય! એ કહે ," નેતા ની જેમ મોડા જવાથી આપણું માન વધે!...

   તમને કોઈ તમારા વખાણ કરવા કહે તોયે તમે ના કરો એવું બને ખરું ? બને હોં ! ખરેખર મહાન લોકો પોતાના વખાણ ન જ કરે કારણ , દુનિયા એમના વખાણ કરતી હોય ! હું એ મહાન લોકોમાં નથી ! મને તો ' અપને મુંહ મિયાં મિઠ્ઠું ' બનવું જ પડે !!   હું એક   સારી વક્તા છું . મને સ્ટેજ પર જઈને માઇક લઈને બોલવું અને સ્પીચ આપવી બહુ જ ગમે. મે આજ   સુધી અનેક કાર્યક્રમો હોસ્ટ કર્યા છે , એ મારો શોખ છે. આજે હું તમને એ એ સમયની વાત કરું જ્યારે એની શરૂઆત થઈ હતી ...     હું પહેલેથી ખૂબ વાચાળ ! મારૂ બોલવાનું શરૂ થાય પછી ક્યારે પૂરું થાય એની કોઈ ખાતરી નહીં ! ઘરના બધા માટે મારું બોલવું એક અસહ્ય ત્રાસ બની ગયો હતો . ' મેં ચૂપ રહૂંગી ' એ ફિલ્મ મને મોહિતે અનેકવાર દેખાડી ! ' પાવર ઓફ સાઇલેંસ ' નામનું પુસ્તક ભેટમાં પણ આપ્યું . તોયે હું ચૂપ ના જ થઈ ! આખરે એના એક મિત્રની સલાહથી મોહિત મને એક ' પબ્લિક સ્પકિંગ ઓર્ગેનાઈઝેશન ' માં લઈ ગયો . જ્યાં હું સતત બોલી શકું અને બીજા બધા મને સાંભળે જેથી મોહિત...