#રીઝલ્ટ શું આવ્યું તારું?

 

 #આલેખન #રીઝલ્ટ શું આવ્યું તારું?

માર્ચ, એપ્રિલ મહિનો આવતાં ઘરમાં સોપો પડી જાય. આખું ઘર શાંત થઈ જાય. આ શાંતિની પાછળ ચિંતાનો મોટો જુવાળ હોય કારણ, આ મહિનાઓમાં બાળકોની પરીક્ષાઓ ચાલતી હોય!! બાળકો અને વડીલો સતત પરિશ્રમ કરી પરીક્ષા નામક ભય સાથે લડતાં હોય. પરીક્ષા પૂરી થાય પછી ઘરમાં થોડી નિરાંત થાય. બાળકો વેકેશનની મજા માણે, ના માણે ત્યાં તો મે, જૂન આવી જાય ને શરુ થાય ' રીઝલ્ટ ' નો દૌર! વળી ચિંતા શરૂ થઈ જાય! ધાર્યું ' રીઝલ્ટ ' આવે ત્યારે ઘરમાં ખુશીનો માહોલ છવાઈ જાય! શાબાશી અને હર્ષના અશ્રુનો વરસાદ પણ થાય! ધાર્યું પરિણામ ના આવે ત્યારે રુદનના ડૂસકાં અને હતાશાનું દર્દ પણ અનુભવાય.

 

 આવું બધું આપણા બધાંના ઘરોમાં બનતું જ હોય છે. આપણા બાળકોની પરીક્ષાની ચિંતા, રીઝલ્ટની તાલાવેલી એની ખુશી કે એની હતાશા આપણે સહુએ અનુભવી છે. આપણે વિદ્યાર્થી તરીકે અને વડીલ તરીકે આ અનુભવ્યું છે. આ સમયે સૌથી વધુ ચિંતાનો વિષય હોય છે એક સવાલ, ' રીઝલ્ટ શું આવ્યું તારું? ' એ સવાલનો જવાબ આપવો કપરો હોય છે કારણ પૂછનાર વ્યક્તિ કરતા આપણા ' માર્ક ' વધુ સારા આવ્યા હોય ત્યારે એની લાગણી દુભાવાનો ભય અને ઓછા માર્ક આવ્યા હોય ત્યારે એની સામે ભોંઠા પડવાનો ભય રહે છે. કારણ અહીં એક્બીજાની સાથે ' માર્ક ' ની સરખામણી થાય છે. જયારે સરખામણી થાય ત્યારે એકને દુઃખ થવું સ્વાભાવિક છે.

 

 બીજા સાથે આપણી કે આપણા બાળકની સરખામણી તદ્દન અયોગ્ય છે. કારણ હું, મારા સંજોગો અને મારી પ્રતિભા જુદા છે! એ, એના સંજોગો અને એની પ્રતિભા જુદી છે તો એની સાથે મારી સરખામણી શા માટે! દરેક બાળક વર્ગમાં પ્રથમ નથી આવતું! દરેકને ૯૦% માર્ક પણ નથી આવતા! રીઝલ્ટ માટે પરિશ્રમ સિવાય બીજા અનેક કારણો જવાબદાર હોય છે. પેલો છોકરો કે છોકરી કેટલા સારા માર્ક લાવે છે ને તારા જો! " આવા શબ્દો બાળકોની સામે બોલતા સાત વાર વિચાર કરવો જોઈએ કારણ કોઈની બીજા સાથે સરખામણી શક્ય જ નથી! બંને જુદા વ્યક્તિઓ છે!

 

બીજી વાત એ કે ,પરીક્ષામાં આવતું ' રીઝલ્ટ ' બાળકની પ્રતિભા નક્કી નથી કરતું, એ વાત સમજવી જરૂરી છે. આપણી સામે અનેક લોકોના ઉદાહરણો છે, જેઓ શાળાની પરીક્ષામાં નાસીપાસ થયા પછી જીવનમાં મહાન બન્યા છે! કેટલાક એવા પણ છે જે શાળાની પરીક્ષામાં પ્રથમ આવીને પણ જીવનમાં સફળ નથી થયા! એથી ' રિઝલ્ટ ' પર બહુ મહત્વ ના આપવું એવું મારું માનવું છે.

 

 હા, એટલું જરૂર જાણવું કે પાછલી પરીક્ષા કરતા આજની પરીક્ષામાં હું કેટલું સારું કે ખરાબ પરિણામ લાવી શકી. એના કારણો શોધી વધુ સારા લાવવાનો પ્રયત્ન કરવો. ખાસ કરીને આપણે વડીલોએ ધ્યાનમાં રાખવું કે વર્ગમાં પ્રથમ આવનાર બાળકના ઉદાહરણો આપવાથી બાળકને પ્રેરણા મળવા કરતાં દર્દનો વધારે અનુભવ થાય છે જે હું કે માતા અને શિક્ષક હોવાના અનુભવથી શીખી છું!!

 

કહેવાય છે ને,

' કાણા ને નવ કાણો કહીયે કડવા લાગે વેણ!

ધીરે રહીને પુછીએ, શાને ખોયા નેણ! '

એ જ રીતે બાળકોની ભૂલને રીઝલ્ટ આવે ત્યારે કડવા શબ્દોમાં ના બતાવવી બલ્કે એને શાબાશી આપીને ધીરેથી વધુ સારું કરવા પ્રેરણા આપવી. પોતે હતાશ ના થવું અને બાળકોને પણ ના થવા દેવા! રીઝલ્ટને અંત નહીં બલ્કે નવી શરૂઆતનું પહેલું પગથિયું માનીને આગળ વધતાં રહેવું...ખરું ને!!

 

-તની

#hemaliPonda


ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

વાત એ બે દિવસોની ...

  ના અપેક્ષા ના કોઈ માંગણી તોયે નિરંતર ધબકતી લાગણી એટલે મૈત્રી સાચે જ મૈત્રી એક એવિ લાગણી છે જે અપેક્ષા કે માંગણી ને કોઈ સ્થાન જ નથી હોતું. એક એવો સંબંધ જે ફૂલ જેવા હળવા થઈને જીવી શકાય છે એટલે જ મિત્રોને મળીએ ત્યારે મન પર કોઈ ભાર નથી હોતો. એમની સાથે સમય ક્યાં વિતી જાય છે એનું ભાન જ નથી રહેતું. એ સમય એક મીઠું સંભારનું બનીને મન ના ખૂણે હમેશા સચવાઈને રહે છે ,   જીવનના દરેક તબક્કે આપણ જીવનમાં નવા મિત્રો આવતા જ રહે છે. એમના થકી જીવન હસતું ખેલતું રહે છે. સ્કૂલ અને કોલેજની મિત્રો જેવી નિર્દોષ અને નિખાલસ મિત્રો જેવ જીવનના બીજા કોઈ પણ તબબ્કે મળવા મુશ્કેલ છે. એ મિત્રોની વાત જ કઈક અલગ છે. તેઓ આપણને ખૂબ સારી રીતે જાને છે અને સમજે છે. તેમની સામે આપણે સહજ રહી શકીએ છીએ. આપણે તેમની સામે કોઈ મુખવતો પહેરાવની જરૂર નથી હોતી. હળવા બનીને ખુશીઓ માણવાની મજા કઈક અલગ હોય છે. જેની સાથે સાવ બાલિશ વાતો કરી હોય , એક ચોકલેટ ખરીદવા પો પોતાના ખિસ્સાનું ચીલલર ભેગું કર્યું હોય. એક કટિંગ ચા હાથમાં લઈને કલકો સુધી વાતો કરી હોય. એવ મિત્રો સાથે સમય વીતવાનો આનદ જ કઈ ઔર હોય છે!    આપના દરેક પાસે એવ મિ...
વધુ વાંચો

માળો

  આજે સવારમાં કામ કરતા કરતા  વોશ એરિયામાં ગેસના મિટરની પાઇપ અને ભીંતનો સરસ રીતે ઉપયોગ કર્યો હોય તેમ તેનાં ઉપર સરસ રીતે બનાવેલાં ચકલીના માળા ઉપર પડી. બપોરે ફરીથી કામ કરતા કરતા એ માળા ઉપર પડી. સાંજે ફરીથી નજર પડી. એમ આખા દિવસ દરમ્યાન વારંવાર નજર ચકલીએ બાંધેલા એ માળા ઉપર પડી. દિવસ દરમ્યાન જેટલી પણ વાર એ માળા ઉપર પડી અનાયાસે જ પડી. ભૂતકાળમાં જયારે બાળકી હતી, તરૂણી હતી, યુવતી હતી ત્યારે પપ્પાના ઘરે પણ ચકલી આવો જ માળો બાંધતી. હું એ  માળો જોવા માટે સમય કાઢીને વારંવાર જતી. સ્કૂલથી આવું, કોલેજથી આવું કે જોબ પરથી આવું. ઘરે આવીને પહેલી નજર માળા પર જ કરતી. એ માળો જોવો મને ખૂબ જ ગમતો. સવાર, બપોર, સાંજ હું એ માળાની ચકાસણી જ કર્યા કરતી. સવાર થાય અને જોતી કે ચકલી માળામાંથી ઉડીને પોતાનાં કામમાં લાગી કે નહિં, બપોર હોય તો જોતી કે બપોર પડે તો આરામ કરતી હશે કે કેમ? સાંજ પડે ચકાસતી કે ક્યાં સમયે ચકલી પોતાનાં માળામાં પાછી ફરે છે. વળી પાછી રાત પડે ચૅક કરવાં જતી કે ચકલી સૂતી છે કે જાગે છે. એના બચ્ચાઓ સાથે એટલા નાનકડા માળામાં કેવીરીતે સમાઈ ગઈ? બચ્ચાઓ માટે ચકલી શું શું કરે છે? તેમને કેવીરીતે ખવડાવે...
વધુ વાંચો

બીજી તક

       રૂચિતા એટલે ઓફીસની જાન! બોસ પણ એના વિના કોઈ નિર્ણય ના લઇ શકે!! રૂચિતા ' નીરમ એડવેરટાઇસિંગ ' કંપનીની માર્કેટિંગ મેનેજર , બધું જ કામ સરસ રીતે સંભાળતી. કોઈપણ કામ હોય પૂરતો સમય આપતી! કયારેક ઘરે પહોંચતા ખુબજ મોડું થઇ જતું ત્યારે  સુબોધ નારાજ થઇ જતો કહેતો," આટલું કામ ના કર , પ્રોફેશનલ લાઈફ અને પર્સનલ લાઈફને બેલેન્સ કરવું જરૂરી છે" .  રૂચિતા કેહતી ," થોડો સમય છે આ કોન્ટ્રાક્ટ પૂરો થઇ જશે પછી હું એક બ્રેક લઈશ ." રૂચિતા અને સુબોધના લગ્નને ૩ વર્ષ થઇ ગયેલા. સુબોધ શહેરની નામાંકિત કોલેજમાં અધ્યાપક હતો. સમયસર ઘરે આવી જતો . રૂચિતાના કામનાં કોઈ ઠેકાણાં જ નહિ એટલે કયારેક નારાજ થઇ જતો. રૂચિતાએ લગ્ન પેહલા જ સુબોધને કહેલું કે ," હું મારી કારકિર્દી પ્રત્યે ચોક્કસ છું મને મારા કામની સ્વંતત્રતા લગ્ન પછી પણ જોઈશે" .  સુબોધે કહેલું ," મને એમાં કોઈ આપદા નથી. મને તારી નિખાલસતા અને તારી પ્રતિભા સાથે પ્રેમ થઇ ગયો છે. આપણે બંને લગ્ન પછી   પણ આપણી કારકિર્દીને પૂરતો સમય આપીશું. એમાંથી જેટલો સમય વધશે તે એકબીજાને આપીશું . મને તારા કામથી કોઈ જ વાંધો નથી ". .    સ...
વધુ વાંચો